في ليله مقمره " فول مون يعني" و شوارع مدينه تورنتو مبلله بالمطر و سوائل اخري ذات روائح اكثر نفاذا و علي دكه خشب ادام محل شاورما في كوليدج ستريت " مليان نسوان " ولعت سجاره و شديت.
عدل نضارته كده و ابتسم ابتسامه خبيثه و قاللي " الا ايه تقيمك لاداء مرسي لحد دلوقتي؟؟؟" ، قمت انا نافخ دخان السجاره اللي بشربها وانجعصت في القعده كده و قولت " مش قولتنا منقيمش الا لما الميت يوم يعدوا" ، وقبل مخلص الكلمه قام لاحم كده زي العيال اللي بتتلاحم ادام سينما ريفولي لحظه فتح الباب لفيلم نجمه الجماهير وقال " يعني هوا معملش حاجه حلوه خالص" ، قالها بكل الثقه ان ردي عليه هيبرد ناره، ينفس ثقه العيال في ناديه بالظبط، بس للآسف انا اشد من ناديه بكتير.
قال يعني عشان مرسي رزع الكلمتين دول في البتاعه بتاعت عدم الانحياز فكده يعني مسكني في اليك و جاب لمس اكتاف وشكلي بقي عامل زي بتوع المصارعه الروماني وهما لامؤاخذه نايمين علي بطنهم ، نفثت دخان السيجاره ببطء شديد قال يعني عشان اسيبه يحس بلذه الانتصار و قولتله " اللي يساند ثوار سوريا في محفل دولي زي ده يبقي كفاءه بس التحيه و الثناء علي عمر و ابو بكر كان ايه علاقتها بالموضوع" ، قاللي بكل ثقه " الراجل كان بيثبت موقف، عشان ايران بتساند نظام بشار، قولتله " طب مش الاولي كان يثبت موقف في الصين اللي استعملت الفيتو بدل ما يثبته في ايران اللي هيا مع اختلافنا معاهم برضه مسلمين"،رد صديقي بكل ثقه واحنا ماشيين في ناحيه محل السجاير عشان دي كانت اخر سيجاره معايا " اللي عمله في الصين ده عشان يوري امريكا و اسرائيل ان احنا ممكن نتحالف مع قوي تانيه في العالم و كمان عشان يعرف الصين ان في بدايل تانيه للتعاون و ان في ابواب ليهم مع دول تانيه اقوي في المنطقه زي مصر" ، حدفت علبه السجاير بحركه لولبيه بارعه في صفيحه الزباله و رديت" ابواب التعاون دي اننا نشحت منهم و ناخد كام عربيه بوليس و اثبات الموقف بيبقي بس مع الدول اللي مالناش معاها مصالح، وامريكا و اسرائيل فرحوا بيه جدا بعد اللي قاله في ايران و شكروا فيه في كل الجرايد بتاعتهم ،اللي انا شايفه ان كل ده فرقه اعلاميه عشان يشتت الناس عن فضيحه القرض و يكسب بنطه مع الناس الغلابه انه كده نصر الاسلام السني في عقر دار الشيعه، اللي هيا اصلا عداوه احنا في غنا عنها و تعقيد لعلاقات معقده اصلا، يعني في ايران اثبات موقف و في الصين دهاء سياسي، اللي عايز يثبت موقف بيثبته في كل حته و اللي بيلعب سياسه برضه بيلعبها في كل حته"، قالي " يعني انتوا برضوا مش شايفين انه عمل حاجه عدله".
"انا سعيد جدا انك سألت السؤال ده" جمله الشيخ حازم الشهيره اللي كان لازم استلفها منه في اللحظه دي بس للاسف الحوار ده كان لازم يخلص لحد هنا، بس انا لسه عايز ارد عشان كده بكتب الكلمتين دول :
مين اللي قال اصلا ان وعود الرئيس في اول ١٠٠ يوم هيا المقياس اللي انا بقيم علي اساسه، الوعود كانت في محاور "الامن و المرور و الخبز و النظافه و الوقود" ، كلها حاجات اساسيه تمس حياه المواطن اليوميه بس مش لامؤاخذه يعني كل الحاجات دي كانت موجوده بنسب احسن من اللي موجوده بيها دلوقتي ايام المخلوع، اصلا تقييم الرئيس عليهم ظلم ليه عشان دي مشاكل مزمنه سببها تراكمات لسياسات غلط من ٣٠ سنه و اكتر وحل المشاكل دي محتاج سنين مش ١٠٠ يوم.
يعني متحاولش تقنعني ان جهاز الشرطه اللي اتخرج منه ٣٠ دفعه تعمل بعقليه انهم جنس ارقي من المواطن و جزمهم فوق رقبتنا و بيستعملو القمع كبديل عن الاحتواء و العنف كبديل عن التحقيق و كرامه المواطن قيمه تساوي قيمه الشلن المصدي اللي عمرك ما هتفكر توطي تجيبه الا لو كنت من هواه جمع العملات، دول بقي هيصحوا بعد ١٠٠ يوم ناس تانيه بتحب المواطن و بتحترمه و بتأدي واجبها العادي جدا في حمايته و حمايه ممتلكاته، هتجيب منين شرطه محترمه اذا كان اول محاضره في كليه الشرطه الرشوه و المحسوبيه و الغرور، و دي بياخدوها حوالين السور و الظابط الصغنن كده شايف صعاليك الشعب واقفه في طابور طويل و هوا عارف ان ولاد العبيطه دول كلهم مش هيخشوا.
المرور بقي قواعد و احترام للناس اللي سايقه و الناس اللي ماشيه و عشان تمشي علي القواعد دي لازم يحصل شويه حاجات :
اولا. ان يبقي في قواعد اصلا و بنيه تحتيه من الطرق اللي تكفي ال ٨٨ مليون
ثانيا: ان يبقي شرط الحصول علي الرخصه انك تعرف القواعد دي زي ما بتعرف تسوق العربيه بالظبط
ثالثا: ان يبقي في قانون رادع لكل اللي يكسر القواعد دي و يبقي في قوات شرطه بتتابع تطبيق القواعد دي وبتعاقب المخالفين
فالمشكله دي بقي ان مافيش اصلا مفيش قواعد واضحه، و ان سعادتك لو معاك دكتوراه في القواعد و بتعرف تسوق طياره حتي و متعرفش حد يوصلك للظابط ولا مكرمشتش في ايدك ٦٠٠ جنيه و دفعتهم شاي لوحده المرور كلها عمرك ما هتاخد الرخصه، غير بقي ان اصلا قوانين الردع و المخالفات يتم تطبيقها في كوكب المريخ ، اللي سايقين الميكروباصات واللي يملكوها نصهم امناء شرطه، اللجان بتاعت المرور عامله زي قطاع الطرق اللي بتلم اتاوه من المواطنين الشرفاء و بتسيب اللي مش شرفاء و عندهم واسطه، الحل الوحيد لحل مشاكل المرور في ١٠٠ يوم انك توديهم بلد تانيه.
الخبز ... رغيف العيش يعني .. رغيف العيش ده بقي بيبتدي من ان احنا اصلا معندناش قمح مرورا بنظم التخزين اللي بتضيع نسب كبيره من الانتاج وصولا الي الافران اللي بتهرب الدقيق المدعم و عدد منافذ التوزيع الغير كافي، يعني مشكله برضه ليها ديول، عشان تحلها لازم تفكر في مليون مشكله تانيه و تحل علي الاقل منهم ٣٠٠، قولي بقي في ١٠٠ يوم هتقنع الفلاحين انهم يزرعوا قمح اكتر عشان يكفي الاستهلاك و هتلاقي اراضي و تقاوي كفايه و هتلاقي جيش من المتخصصين عشان يساعدوا الفلاحين يطلعوا اعلي انتاجيه و بعدين هتغير نظم النقل و التخزين و تحل مشاكل المطاحن و المخابز و منافذ التوزيع، انا مش بقول ان المشاكل دي مستحيل حلها انا بقول ان جمع المعلومات و تحليلها عشان توصل لافكار تحل بيها المشكله دي اصلا محتاج اكتر من ١٠٠ يوم.
هنلاقي نظافه لما الفلوس اللي بتتضاف علي فاتوره الكهربا تتصرف علي النظافه، هنلاقي نظافه لما الناس تلاقي تاكل فمتقلبش في صناديق الزباله عشان تاكل منها عيش سواء ده كان بشكل مباشر او من خلال الفرز، هنلاقي نظافه لما الناس يبقي عندها مصدر دخل غير سرقه حديد و بلاستيك صناديق الزباله، هنلاقي نظافه لما يبقي في مكان مخصص لكل بيت غير الصناديق العامه، هنلاقي نظافه لما حمامات المدارس تنظف و الداده تبطل تبيع حلويات .
برغم ان عيب اتكلم عن حد مش موجود بس انا هحكيلكوا علي مشكله الوقود، انا اخر مره كنت في محطه بنزين في مصر قبل الثوره شفت حمار و عليه واحد صاحبه واقف بيمون .. لما الحمير ده يبطل شفط البنزين من المحطه هتتحل ازمه البنزين، ما اصل لو كل حمار صغير شفطله لترين باعهم بره ولا لو كام حمار اتجمعوا و خزنوا البنزين في كرشهم ولا لو حاته باعوه لاسرائيل مش ممكن البني ادمين تلاقي بنزين.
القصد بقي عشان انا كده طولت قوي، العامل المشترك الوحيد اللي انا شايفه في كل المشاكل اللي فاتت دي هوا الفساد، الفساد اللي خلي الشرطه مش في خدمه الشعب، الفساد اللي خلي الدقيق يتسرق و الفلاحين بتهج علي ايطاليا، الفساد اللي خلي شرطه المرور قطاع طرق، الفساد اللي خلي الناس بتاكل من الزباله و اللي بيرميها بقي معتبرها مشاركه في مائده الرحمن، الفساد اللي خلي البهايم تمون بنزين الناس في كروشها.
الميت يوم دول لو رجل المستحيل و سلاحف النينجا و الباور رينجرز اتجمعوا عشان يحلو المشاكل دي في ١٠٠ يوم مش هيعرفوا، اصل المشاكل دي عايزه ضمير و اللي انا شايفه لحد دلوقتي ان مرسي و جماعته معندهمش ضمير.
خلص الكلام بس لو كنتوا نسيتوا المجد للشهداء و الثوره مستمره.
مين اللي قال اصلا ان وعود الرئيس في اول ١٠٠ يوم هيا المقياس اللي انا بقيم علي اساسه، الوعود كانت في محاور "الامن و المرور و الخبز و النظافه و الوقود" ، كلها حاجات اساسيه تمس حياه المواطن اليوميه بس مش لامؤاخذه يعني كل الحاجات دي كانت موجوده بنسب احسن من اللي موجوده بيها دلوقتي ايام المخلوع، اصلا تقييم الرئيس عليهم ظلم ليه عشان دي مشاكل مزمنه سببها تراكمات لسياسات غلط من ٣٠ سنه و اكتر وحل المشاكل دي محتاج سنين مش ١٠٠ يوم.
يعني متحاولش تقنعني ان جهاز الشرطه اللي اتخرج منه ٣٠ دفعه تعمل بعقليه انهم جنس ارقي من المواطن و جزمهم فوق رقبتنا و بيستعملو القمع كبديل عن الاحتواء و العنف كبديل عن التحقيق و كرامه المواطن قيمه تساوي قيمه الشلن المصدي اللي عمرك ما هتفكر توطي تجيبه الا لو كنت من هواه جمع العملات، دول بقي هيصحوا بعد ١٠٠ يوم ناس تانيه بتحب المواطن و بتحترمه و بتأدي واجبها العادي جدا في حمايته و حمايه ممتلكاته، هتجيب منين شرطه محترمه اذا كان اول محاضره في كليه الشرطه الرشوه و المحسوبيه و الغرور، و دي بياخدوها حوالين السور و الظابط الصغنن كده شايف صعاليك الشعب واقفه في طابور طويل و هوا عارف ان ولاد العبيطه دول كلهم مش هيخشوا.
المرور بقي قواعد و احترام للناس اللي سايقه و الناس اللي ماشيه و عشان تمشي علي القواعد دي لازم يحصل شويه حاجات :
اولا. ان يبقي في قواعد اصلا و بنيه تحتيه من الطرق اللي تكفي ال ٨٨ مليون
ثانيا: ان يبقي شرط الحصول علي الرخصه انك تعرف القواعد دي زي ما بتعرف تسوق العربيه بالظبط
ثالثا: ان يبقي في قانون رادع لكل اللي يكسر القواعد دي و يبقي في قوات شرطه بتتابع تطبيق القواعد دي وبتعاقب المخالفين
فالمشكله دي بقي ان مافيش اصلا مفيش قواعد واضحه، و ان سعادتك لو معاك دكتوراه في القواعد و بتعرف تسوق طياره حتي و متعرفش حد يوصلك للظابط ولا مكرمشتش في ايدك ٦٠٠ جنيه و دفعتهم شاي لوحده المرور كلها عمرك ما هتاخد الرخصه، غير بقي ان اصلا قوانين الردع و المخالفات يتم تطبيقها في كوكب المريخ ، اللي سايقين الميكروباصات واللي يملكوها نصهم امناء شرطه، اللجان بتاعت المرور عامله زي قطاع الطرق اللي بتلم اتاوه من المواطنين الشرفاء و بتسيب اللي مش شرفاء و عندهم واسطه، الحل الوحيد لحل مشاكل المرور في ١٠٠ يوم انك توديهم بلد تانيه.
الخبز ... رغيف العيش يعني .. رغيف العيش ده بقي بيبتدي من ان احنا اصلا معندناش قمح مرورا بنظم التخزين اللي بتضيع نسب كبيره من الانتاج وصولا الي الافران اللي بتهرب الدقيق المدعم و عدد منافذ التوزيع الغير كافي، يعني مشكله برضه ليها ديول، عشان تحلها لازم تفكر في مليون مشكله تانيه و تحل علي الاقل منهم ٣٠٠، قولي بقي في ١٠٠ يوم هتقنع الفلاحين انهم يزرعوا قمح اكتر عشان يكفي الاستهلاك و هتلاقي اراضي و تقاوي كفايه و هتلاقي جيش من المتخصصين عشان يساعدوا الفلاحين يطلعوا اعلي انتاجيه و بعدين هتغير نظم النقل و التخزين و تحل مشاكل المطاحن و المخابز و منافذ التوزيع، انا مش بقول ان المشاكل دي مستحيل حلها انا بقول ان جمع المعلومات و تحليلها عشان توصل لافكار تحل بيها المشكله دي اصلا محتاج اكتر من ١٠٠ يوم.
هنلاقي نظافه لما الفلوس اللي بتتضاف علي فاتوره الكهربا تتصرف علي النظافه، هنلاقي نظافه لما الناس تلاقي تاكل فمتقلبش في صناديق الزباله عشان تاكل منها عيش سواء ده كان بشكل مباشر او من خلال الفرز، هنلاقي نظافه لما الناس يبقي عندها مصدر دخل غير سرقه حديد و بلاستيك صناديق الزباله، هنلاقي نظافه لما يبقي في مكان مخصص لكل بيت غير الصناديق العامه، هنلاقي نظافه لما حمامات المدارس تنظف و الداده تبطل تبيع حلويات .
برغم ان عيب اتكلم عن حد مش موجود بس انا هحكيلكوا علي مشكله الوقود، انا اخر مره كنت في محطه بنزين في مصر قبل الثوره شفت حمار و عليه واحد صاحبه واقف بيمون .. لما الحمير ده يبطل شفط البنزين من المحطه هتتحل ازمه البنزين، ما اصل لو كل حمار صغير شفطله لترين باعهم بره ولا لو كام حمار اتجمعوا و خزنوا البنزين في كرشهم ولا لو حاته باعوه لاسرائيل مش ممكن البني ادمين تلاقي بنزين.
القصد بقي عشان انا كده طولت قوي، العامل المشترك الوحيد اللي انا شايفه في كل المشاكل اللي فاتت دي هوا الفساد، الفساد اللي خلي الشرطه مش في خدمه الشعب، الفساد اللي خلي الدقيق يتسرق و الفلاحين بتهج علي ايطاليا، الفساد اللي خلي شرطه المرور قطاع طرق، الفساد اللي خلي الناس بتاكل من الزباله و اللي بيرميها بقي معتبرها مشاركه في مائده الرحمن، الفساد اللي خلي البهايم تمون بنزين الناس في كروشها.
الميت يوم دول لو رجل المستحيل و سلاحف النينجا و الباور رينجرز اتجمعوا عشان يحلو المشاكل دي في ١٠٠ يوم مش هيعرفوا، اصل المشاكل دي عايزه ضمير و اللي انا شايفه لحد دلوقتي ان مرسي و جماعته معندهمش ضمير.
خلص الكلام بس لو كنتوا نسيتوا المجد للشهداء و الثوره مستمره.